يا حبيبتى أنا متعود على الأحزان
كل القلوب بتدوق الحب
وأنا اللى دايمأ أدوق حرمان
عايزه تبعدى
أبعدى
وإيه يعنى أنا متعود
قلبى يوم ورا يوم بيسود
جرح فى ألم
الحب إنعدم
لو من قلبى ضحكت يومين
أحزن أبكى سنين وسنين
إجرحى فيا كمان بزياده
جرح اليوم فوق العاده
قبل العيد سلمتى عليا
مع الطير بعتيلى هديه
هجر وجرح
ظلم وأسيه
راحت فين الحنيه
إنتى خلاص مش باقيا عليا
القسوه فى قلبك مداريه
ردى عليا
راحت فين الحنيه
ماتت فى قلبك هيا كمان
هو ليه كدا الإنسان
يعرف نقطة ضعف حبيبه
يدوس على قلبه ويسيبه
ابعدى يا حبيبتى بالسلامه
مالهاش لازمه الملامه
إنتى خلاص إخترتى طريقك
بعد الحب دا كله هاسيبك
يعز عليا الحب يضيع
لكن أنا عمرى ماكنت ببيع
إنتى إخترتى خلاص بإرادتك
لو هاتلاقى يا حبيبتى سعادتك
هاتمنالك الخير من قلبى
ودا اللى دايمأ بتمناهولك
مات الكلام قبل ما أقولهولك
كلامك يا عمرى وفرتهولك
ابعدى
لكن جرحك مش هانسهولك
أسف فى يوم إنى أزعجتك
عارف إنى طولت مع سيادتك
لكن خلاص وفرت عليكى
وانا اللى يوم فكرت
إن صورتى مكانها عنيكى
كدبه وضحكت على نفسى وصدقتها
شفتك قولت دى جات فى وقتها
لكن مش إنتى اللى انا شفتها
إتبدلتى
إتغيرتى
خلاص يا حبيبتى إنتى إخترتى
ابعدى
وإيه يعنى
أنا متعود عــ الأحزان
0 التعليقات:
إرسال تعليق